تصنيف الالوان ومسمياتها فى الكنارى بالصور الجزء الاول

بسم الله الرحمن الرحيم

تصنيف الالوان ومسمياتها فى الكنارى بالصور الجزء الاول

 اليوم بأذن الله سوف نتحدث عن موضوع جديد لكن مهم جدا

لينا كلنا وهو تحديد لون الكنارى بطريقة علمية وعالمية صحيحة بعيدا عن المسميات الشائعة فى مصر 

وفى نفس الوقت سوف ابذل كل طاقتى فى تبسيط الموضوع بطريقة سهلة لكل هاوى مبتدئ او محترف


ندخل فى الموضوع 

عصفور الكنارى بيتصنف الى 3 حجات 

1- من حيث النوع 
2- من حيث الصوت
3- من حيث اللون

واحنا حنكلم على النقطة رقم 3 ودى طبعا ممكن نلاقيها متوفرة فى رقم 1 و 2 بمعنى ان

ممكن نلاقى عصفور من حيث النوع مثلا جلوستر ابيض او احمر او اصفر وكمان الوتر سلاجر

والروسى اللى بيكون فيه اللون الاصفر والابيض .

لكن بما ان الموضوع بتاع اللون ده ملخبط شوية فحنمسكه واحدة واحدة بالتفصيل وربنا يستر ما اتلخبطش 

اول حاجة فى الالوان حاجة اسمها 

الليـبـوكرومات
يعنى ايه؟ يعنى صبغة اللون اللى بتلون الريش بتاع الكنارى وبتكون فى 3 الوان فقط الابيض

ده لو مفيش صبغة تلون الريش و الاصفر و الاحمر حلو كده طب الليبوكرومات فيها طفرة ؟
ايوه طفرة واحده اسمها عاجى ودى بتخلى اللون فاتح فى لون الريش الاحمر والاصفر .

وفى طفرة تانية ملهاش دعوة بالريش بتخلى لون العين يتغير من الاسود الى الاحمر .

فى اللون الاصفر اسمها لتينو وفى الابيض البينو وفى الاحمر ربينو .

غير الكلام اللى فات ده اى خطوط سودا او مزخرفة فى ريش الكنارى يبقى حاجة اسمها (ميـلانـيـنـات) 

واحنا حنكلم عن الليبوكرمات فقط لان الميلانينات كتير جداااااااااااااااااا وعاوزة ان شاء الله موضوع تانى

بس الليبوكرومات مفيهاش لون اسود او نقرشة ســـــــــــادة .


معانى الكلمات من الانجليزى للعربى عشان نوضح الموضوع اكتر .

White....................................... أبيض

Yellow.......................................أصفر

Red.......................................... أحمر

Mosaic....................................... فسيفساء (صهر او دمج لونين)

Ivory......................................... عاجى

Intensive................................... كثيف \ قاتم \غامق اللون

Frost \ schimmel........................ فاتح اللون \ ثلجى(شيمال لايصل اللوت نهاية الريش)

Recessive................................... متنـحى (لون واحد لا يشوبه لون اخر)

Dominant................................ سائد ( كله لون واحد عدا الجناح به صبغة اللون الليبوكروم )

Albino...................................... الامهق ( ناصع البياض ذو عين حمراء )

Lutino..................................... الاصفر (ذو العين الحمراء)

Rubino.................................... الاحمر (ذو العين الحمراء)

طب الصور بقى عشان نفهم الكلام مع كل صورة .

اولا : اللون الابيض





ثانيا : اللون الاصفر







ثالثا : اللون الاحمر







يارب يكون الموضوع عجبكم وان شاء الله نكمل بقية الالوان بمسمياتها الصحيحة المرات المقبلة بأذن الله .